तपाईको कनेक्ट आईपीएस खाता नबिलसँग जोड्नुहोस्

यस सुविधाले तपाईं स्वयम् ले  कनेक्ट आईपीएसमा आफ्नो बैंक खाता लिंक गराउन र भेरीफाई गर्न सक्नुहुन्छ। यद्यपि, सेल्फ भेरीफाई गरिएको खाताबाट कारोबार गर्नका लागि बीस लाख (5,00,000/-) सम्मको कारोबार सीमा तोकिएको छ। यो सेवा बैंकको नीति अनुसार समय-समयमा परिवर्तन हुन सक्छ। 

आफ्नो नबिल बैंकको खाता स्व:प्रमाणित गर्न निम्न प्रक्रियाहरू पालना गर्नुहोस्:
चरण १: सर्वप्रथम, Bank Account मा गई Manage Account मा जानुहोस्: र link bank account मा क्लिक गर्नुहोस्।
चरण २: Pending bank account सूचीमा आफ्नो प्रमाणीकरण गर्न बाँकी भएको खाता छान्नुहोस् र स्वयं प्रमाणिकरण (self-verify) गर्ने विकल्प छान्नुहोस्।
चरण ३: तपाईंले भर्नुभएको जानकारी र स्वचालित प्रक्रियाको आधारमा, तपाईंले आफ्नो नबिल बैंकको खातामा दर्ता गर्नुभएको मोबाइल नम्बर र ईमेल ठेगानामा एक OTP पठाइनेछ। वान टाइम पासवर्ड पाउनका लागि बैंक र कनेक्ट आइपीएसमा दर्ता गरिने मोबाइल नम्बर एउटै हुनुपर्छ । 
चरण ४: उक्त वन टाइम पासवर्ड (OTP) को सफल प्रमाणीकरण पछि, उक्त लिंक गरिएको खाताको स्थिति 'AUTO ACCEPT APPROVAL' को रूपमा परिवर्तन हुनेछ।
चरण ५: अनलाइन लिंक गर्न खोजिएको खातामा दुइवटा सानो रकम (Micro Deposit) जम्मा हुनेछ ।
चरण ६: तपाईंले अब लिंक गर्न खोज्नुभएको नबिल बैंकको आफ्नो खाता जाँच गर्नुपर्नेछ, र कनेक्ट आईपीएसमा उक्त दुई सूक्ष्म रकम (Micro amounts) दाखिला गरी कन्फर्म गर्नुपर्छ । एकचोटि दुबै (Micro Deposit) रकमहरू प्रमाणित भएपछि, लिंक गरिएको खाता स्वचालित रूपमा प्रमाणित हुनेछ र खाताको स्थिति ACCEPTED मा परिवर्तन हुनेछ ।
चरण ७: अब लिंक गरिएको खातामार्फत मोबाइल एप र वेबसाईट प्रयोग गरी तोकिएको कारोबार सीमासम्मको कारोबार सजिलै गर्न सकिन्छ । 

म कसरी मेरो बैंक खाता कनेक्ट आईपीएस सँग लिंक गर्न सक्छु ?
चरण १: तपाईको युजरनेम र पासवर्डको साथ कनेक्ट आईपीएस खातामा लगईन गर्नुहोस्
चरण २: ड्यासबोर्डबाट 'बैंक खाता' चयन गर्नुहोस्
चरण ३: 'लिंक खाता' चयन गर्नुहोस् 
चरण ४: तपाईको नबिल खाता विवरण भर्नुहोस्
चरण ५: ‘Send for Approval’ छान्नुहोस्
चरण ६: लिंक गरिएको बैंक खाता फारम डाउनलोड गर्नुहोस्
 
यति गरिसकेपछि तपाईंले उक्त फारम डाउनलोड गरी विधिवत रुपमा हस्ताक्षर गरेर नबिल बैंकको तपाईंको नजिकको शाखामा एक पटक प्रमाणिकरण र खाता सक्रिय बनाउनका लागि लिएर जानुपर्ने हुन्छ। साथै, तपाईंले सेल्फ भेरिफिकेशन (self-verification) विकल्प छानेर उक्त लिंक गरिएको खातालाई सेल्फ-भेरीफाई पनि गर्न सक्नुहुन्छ। यो विकल्पले तपाईंलाई नबिल बैंकको शाखामा नगईकनै खाता लिंक गरेर कारोबार गर्न सक्षम बनाउँछ।

एउटा स्व-प्रमाणित (self-verified) कनेक्ट आईपीएस खाताको कारोबार सीमा बढाउनको लागि तपाईले कनेक्ट आईपीएसमा रहेको (manage account) मेनु मा रहेको (update limit) भन्ने विकल्पमा जानु पर्नेछ। उक्त फारम डाउनलोड गरेर विधिवत रुपमा हस्ताक्षर गरि नबिल बैंकको आफ्नो नजिकको शाखामा जानु पर्ने हुन्छ।